Sankt-Peterburqdakı “Sağlam Ol” klinikasının otolarinqoloqu Yana Novikova yasəmənlərin niyə baş ağrısına səbəb olduğunu və onları yataq otağına qoymağın lazım olub-olmadığını izah edib.
Globalinfo.az xəbər verir ki, mütəxəssis “Health Mail”ə verdiyi müsahibədə yasəmənin təhlükəli bitki olmadığını qeyd edib.
Lakin bəzi insanlar yataq otağında böyük bir buket yasəmən varsa, həqiqətən də narahatlıq hiss edə bilərlər. O əlavə edib ki, əksər hallarda bu, kolun toksikliyi ilə deyil, uçucu aromatik birləşmələrin yüksək konsentrasiyası ilə bağlıdır.
Yasəmənin kəskin qoxusu həssas insanlarda baş ağrısına, başda ağırlıq hissi, ürəkbulanma, yuxululuq və ya selikli qişaların qıcıqlanmasına səbəb ola bilər.
O, bu cür reaksiyalara xüsusilə allergik rinit, miqren, xroniki burun tıxanıqlığı olan xəstələrdə daha çox rast gəlindiyini deyib.
Buna görə də, əgər bir buket gül aldıqdan sonra burun qaşınması, öskürək, gözlərin sulanması, asqırma hiss edirsinizsə, çiçəkləri yataq otağından çıxarmaq ən yaxşısıdır.
Tahir Turan
Həmçinin oxuyun
