Mədəniyyət Nazirliyinin bəzi yeni regional idarələrinə təyin olunan rəislərin adları məlum olub.
Globalinfo.az APA-ya istinadən xəbər verir ki, Şahin Yusif oğlu Şahbazov Şirvan-Salyan, Nurəddin Səftər oğlu Mehdiyev Qazax-Tovuz, Bəxtiyar Vaqif oğlu Qılıncov isə Lənkəran-Astara Regional Mədəniyyət İdarəsinə rəis təyin olunublar.
***17:16
Mədəniyyət Nazirliyinin yeni regional idarələrinin strukturu təsdiq olunub, təyinatlar var.
Globalinfo.az “APA”ya istinadən xəbər verir ki, bu barədə nazirliyin Mətbuat xidmətindən məlumat verilib.
Belə ki, Prezident İlham Əliyevin 23 fevral 2023-cü il tarixli Sərəncamına uyğun olaraq, Mədəniyyət Nazirliyinin strukturuna daxil olan regional mədəniyyət idarələri yenidən təşkil edilib.
Bildirilib ki, Azərbaycan Respublikasının iqtisadi rayonlarının yeni bölgüsünə uyğun olaraq, nazirliyin Sumqayıt, Xaçmaz, İsmayıllı, Şəki, Kürdəmir, Ağstafa, Şəmkir, Gəncə, Bərdə, Ağcabədi, Ağdaş, Sabirabad, Biləsuvar, Masallı və Lənkəran regional mədəniyyət idarələri əsasında Abşeron-Xızı, Dağlıq Şirvan, Gəncə-Daşkəsən, Qarabağ, Qazax-Tovuz, Quba-Xaçmaz, Lənkəran-Astara, Mərkəzi Aran, Mil-Muğan, Şəki-Zaqatala, Şərqi Zəngəzur və Şirvan-Salyan regional mədəniyyət idarələri yaradılıb.
Dövlət başçısının sözügedən Sərəncamına müvafiq olaraq, Mədəniyyət Nazirliyi tərəfindən yeni regional mədəniyyət idarələrinin strukturu və əsasnamələri təsdiq edilib.
Məlumata görə, Fərid Qurbanzadə Vidadi oğlu Abşeron-Xızı Regional Mədəniyyət İdarəsinin rəisi, Rəşad Əliyev Rahib oğlu – Şərqi Zəngəzur Regional Mədəniyyət İdarəsinin rəisi təyin olunub.
