Vaşinqtonda Prezident Donald Trampın impiçmentini tələb edən minlərlə insan küçələrə axışıb.
Globalinfo.az xəbər verir ki, bu barədə “Axios” agentliyi məlumat yayıb.
“Vaşinqtonda “Rejimin aradan qaldırılması” adlı genişmiqyaslı etiraz aksiyaları başlayıb. Təkcə keçən ay 7 milyondan çox amerikalı hökumətin tarixən uzun sürən bağlanmasından sonra “Krallar yoxdur” yürüşlərində iştirak edib. Yeni etirazın təşkilatçıları deyirlər ki, paytaxtda keçirilən aksiya xüsusi əhəmiyyət kəsb edir. Yürüşə Trampın tanınmış tənqidçisi olan deputat Al Qrin də qoşulub”, – bildirilib.
Təşkilatçılar etirazçıların gözlənilən sayını açıqlamayıblar. Ağ Ev də şərh verməyib.
Əliyar Xəlil
Globalinfo.az
