“Respublikaçılar Partiyasından prezidentliyə namizəd Donald Tramp seçkilərdə qalib gələrsə, ölkənin daxili problemlərini həll etmək, eləcə də iğtişaşları yatırmaq üçün ordudan istifadə edəcək”.
Globalinfo.az xəbər verir ki, bu barədə “New York Times” qəzeti məlumat yayıb.
“İlk prezidentlik müddətində Tramp ABŞ ərazisində qanunların icrası üçün qoşunlardan istifadə ilə bağlı geniş vizyonunu heç vaxt həyata keçirə bilmədi. Lakin o, hakimiyyətə qayıtmaq istəyərkən, ordudan bir sıra daxili hüquq-mühafizə məqsədləri üçün, o cümlədən sərhəddə patrul xidməti, iğtişaşlara çevrildiyini düşündüyü etirazları yatırmaq və hətta ölkədə cinayətkarlıqla mübarizə aparmaq üçün istifadə etmək niyyətində olduğunu açıqladı”-nəşr yazıb.
ABŞ-də ordunun dövlət daxilində istifadəsi 1878-ci il tarixli “Posse Comitatus Aktı” ilə məhdudlaşdırılır. Bu qanun daxili məqsədlər üçün nizami federal qoşunların istifadəsini cinayət kimi təsnif edir. Bununla belə, 1807-ci il tarixli Üsyan Aktı prezidentə vəziyyətin bunu tələb etdiyinə inandığı halda asayişi bərpa etmək məqsədilə daxili hərbi qüvvələrdən istifadə etmək üçün fövqəladə səlahiyyətlər verir.
