Azərbaycan boksçusu Məhəmməd Abdullayev də (+92 kq) Polşada keçirilən III Avropa Oyunlarının yarımfinal mərhələsinə yüksəlib.
Dünya çempionatının mükafatçısı dörddəbir finalda Stilianos Pouliasla (Yunanıstan) üz-üzə gəlib.
Görüş boksçumuzun qələbəsi ilə başa çatıb. M.Abdullayev rəqibini 5:0 (30:27, 30:27, 30:27, 30:27, 30:27) hesabı ilə məğlub edib.
O, yarımfinala çıxmaqla özü üçün ən azı bürünc medalı təmin edib.
*** 17:49
Polşada keçirilən III Avropa Oyunları davam edir.
Globalinfo.az xəbər verir ki, əslən Tərtər rayonundan olan 20 yaşlı boksçumuz Murad Allahverdiyev III Avropa Oyunlarında erməniyə qalib gələrək yarımfinala yüksəlib.
İdmançımız 3 raundun hər birində erməni rəqibini üstələyib.
Qeyd edək ki, M.Allahverdiyev 7 qat Azərbaycan çempionu və Avropa Çempionatının qızıl medalçısıdır.
Zaira Akifqızı
Globalinfo.az
