***12:47
“Bir stansiya açılacaq. O da Bənövşəyi xəttin “Xocəsən” stansiyası”.
Bu sözləri Globalinfo.az-a açıqlamasında “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov yeni metrostansiyaların açılması haqda danışarkən deyib.
O bildirib ki, hərəkətin təşkili ilə bağlı məsələlər tam müəyyən olunduqdan sonra xətt üzrə qatarların sayı barədə də məlumat veriləcək.
Metropoliten rəsmisi Bakıda yeni 9 metrostansiyanın tikiləcəyini də qeyd edib:
“Bu stansiyaların 3-ü “Koroğlu” və “Dərnəgül” stansiyalarının arasında yerləşəcək.
Bu istiqamətdə Ziya Bünyadov prospekti şəhərin ən çox tıxacı olan küçələrindən biridir. Həmin prospekt boyunca təxminən Böyükşor gölü üzərində inşa olunmuş yol infrastrukturuna yaxın olan bir sahədə, digəri isə “Taxta bazarı” adlanan ərazidə yerləşəcək. Bir sözlə Ziya Bünyadov prospektinin iki həlledici nöqtəsində inşa olunacaq.
Xətlər ayrıldıqdan sonra hər iki xəttə müstəqil qatarların hərəkəti təşkil olunacağından intervalın ən qısa müddətə salınması üçün “İçərişəhər” stansiyasından sonra bir və iki stansiya inşa olunacaq. Qatarlar stansiyanın arxasından bir yoldan digərinə keçərək rahat hərəkətini davam etdirəcək və minimal intervallar tətbiq etmək mümkün olacaq”.
Zaira Akifqızı
Globalinfo.az
