Bakıda gənc qadın yenə adam bıçaqladı

Bakıda bıçaqlanma hadisəsi baş verib.

Globalinfo.az “Qafqazinfo”ya istinadən xəbər verir ki, mayın 16-na keçən gecə Binəqədi rayonu ərazisində 1992-ci il təvəllüdlü Gülnarə Allahverdiyeva tanışı, 1988-ci il təvəllüdlü Amil Əşrəfovu bıçaqlayıb. Ağır xəsarət alan şəxs xəstəxanaya yerləşdirilib.

Hadisəni törədən 31 yaşlı qadın saxlanılıb. Onun barəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə iş başlanılıb.

İlkin araşdırmalar zamanı məlum olub ki, G.Allahverdiyeva daha əvvəl də oxşar hadisə törədib və həmin vaxt Cinayət Məcəlləsinin 127-ci (Qəsdən sağlamlığa az ağır zərər vurma) maddəsi ilə məsuliyyətə cəlb edilib.