“Vüqar Həşimov Memorialı-2022” VIII beynəlxalq şahmat turnirində növbəti görüşlər keçirilib.
Globalinfo.az-ın “Report”a istinadən məlumatına görə, üçüncü oyun günündə rapid növü üzrə VII, VIII və IX turun qarşılaşmaları baş tutub.
Azərbaycan təmsilçilərindən Şəhriyar Məmmədyarov 1 qalibiyyət, 1 heç-heçə əldə edib, bir görüşdə isə 17 yaşlı Aydın Süleymanlıya uduzub. Məmmədyarov turnirdə ilk qələbəsini IX turda Abdulla Qədimbəyli üzərində qazanıb.
Rauf Məmmədov gün ərzində keçirdiyi 3 görüşdən ikisində rəqibini məğlub edib.
“Vüqar Həşimov Memorialı-2022”
VII tur
Nodirbek Abdusattorov (Özbəkistan) – Rauf Məmmədov – 1:0
Riçard Rapport (Rumıniya) – Semuel Şenklend (ABŞ) – 1:0
Qukeş Dommaraku (Hindistan) – Van Hao (Çin) – 0,5:0,5
Valyexo Pons (İspaniya) – Abdulla Qədimbəyli – 0,5:0,5
Aydın Süleymanlı – Şəhriyar Məmmədyarov – 1:0
VIII tur
Rauf Məmmədov – Şəhriyar Məmmədyarov – 0,5:0,5
Abdulla Qədimbəyli – Aydın Süleymanlı – 0,5:0,5
Van Hao (Çin) – Valyexo Pons (İspaniya) – 0:1
Semuel Şenklend (ABŞ) – Qukeş Dommaraku (Hindistan) – 1:0
Nodirbek Abdusattorov (Özbəkistan) – Riçard Rapport (Rumıniya) – 0,5:0,5
IX tur
Riçard Rapport (Rumıniya) – Rauf Məmmədov – 0:1
Qukeş Dommaraku (Hindistan) – Nodirbek Abdusattorov (Özbəkistan) – 0,5:0,5
Valyexo Pons (İspaniya) – Semuel Şenklend (ABŞ) – 1:0
Aydın Süleymanlı – Van Hao (Çin) – 0,5:0,5
Şəhriyar Məmmədyarov – Abdulla Qədimbəyli – 1:0
Qeyd edək ki, yarış dekabrın 24-də başa çatacaq. Hazırda Özbəkistan təmsilçisi Nodirbek Abdusattorov 14 xalla liderdir. Ondan 2 xal geri qalan Rauf Məmmədov və ispaniyalı Valyexo Pons 2-3-cü yerləri bölüşdürürlər. Çinli Van Hao 10 xalla 4-cü sırada qərarlaşıb. Hərəyə 8 xalı olan Rapport və Məmmədyarov 5-6-cı pillələrdə qərar tutublar. Qədimbəyli 7 xalla 7-ci, eyni xala malik Dommaraku 8-cidir. Şenklend və Süleymanlı aktivlərindəki 6 xalla son iki sırada yer alıblar.