BƏƏ-nin beynəlxalq əməkdaşlıq üzrə dövlət naziri Rim əl-Haşimi bildirib ki, ölkə İran hücumlarına cavab vermək niyyətində deyil.
“Biz özümüzü müdafiə etməyə hazırıq, amma ümid edirik ki, buna gərək olmayacaq”, – nazir vurğulayıb.
O, zərurət yaranacağı halda BƏƏ-nin daha sərt tədbirlərə keçə biləcəyini deyib.
***18:00
İranın Fars körfəzi bölgəsində həyata keçirdiyi hücumlar nəticəsində Birləşmiş Ərəb Əmirliklərində (BƏƏ) 3 nəfər ölüb, 58 nəfər xəsarət alıb.
Globalinfo.az xəbər verir ki, bu barədə BƏƏ Müdafiə Nazirliyi məlumat yayıb.
“İrandan atılan 165 ballistik raketi aşkarlanıb, onlardan ikisi qanadlı raket olmaqla, 154-ü vurulub. Ümumilikdə 541 İran pilotsuz uçuş aparatı aşkarlanıb, onlardan 506-ı vurulub”, – deyə bildirilib.
Məlumata görə, hücumlar nəticəsində Pakistan, Nepal və Banqladeş vətəndaşları olan üç nəfər həlak olub.
Qeyd edək ki, sözügedən tədbirlər ABŞ və İsrail hücumlarına cavab kampaniyası çərçivəsində baş tutub.
