britanaci loghord lyuis pyun l n376950 1

Britaniyalı üzgüçü Lyuis Pyu ABŞ-İran müharibəsinin dəniz ekosisteminə yaratdığı təhlükəyə diqqət çəkmək məqsədilə Hörmüz boğazını üzərək keçib.

Globalinfo.az xəbər verir ki, bu barədə “Associated Press” (AP) agentliyi məlumat yayıb.

Bildirilib ki, idmançı təxminən 15 kilometrlik məsafəni üç gün ərzində qət edib. O, ümumilikdə 6 saat yarım suda qalıb. Üzgüçü Omana məxsus Musəndəm yarımadası yaxınlığından hərəkətə başlayıb və Hörmüz burnunu dövrə vuraraq marşrutu tamamlayıb.

Pyu bildirib ki, üzməyə başladıqdan qısa müddət sonra iki güclü partlayış səsi eşidib və təxminən 4 kilometr məsafədə zədələnmiş neft tankerini görüb. Onun sözlərinə görə, partlayışlardan sonra ərazidə qırıcı təyyarələr də peyda olub və təhlükəsizlik səbəbindən dərhal ərazidən uzaqlaşmaq qərarına gəliblər.

İdmançı ikinci gün limana qayıdarkən qaz tankerinə hücumun da şahidi olub. Hadisə zamanı gəminin üzərində alovlar yüksəlib, ətraf sularda isə yanğın baş verib.

Pyu xəbərdarlıq edib ki, zədələnmiş tankerlərdən dənizə neft sızması canlı aləmə, mərcan riflərinə və regionun sahil zolağına ciddi zərər vura bilər. Onun qiymətləndirməsinə görə, ekosistemin əvvəlki vəziyyətinə qayıtması onilliklər çəkə bilər.

Safura Bənnayeva
Globalinfo.az

Paylaş: