Altıağac stansiyasından 51 km şimal-şərqdə, Xəzər dənizində zəlzələ qeydə alınıb.
Bu barədə Globalinfo.az-a Respublika Seysmoloji Xidmət Mərkəzindən bildirilib.
Zəlzələnin maqnitudası 5,5, dərinliyi 70 km olub.
Zəlzələ Altıağac, Siyəzən, Quba, Qusar, Xaçmaz, Şabran, Qobustan, Abşeron yarımadasında 5-3 bala qədər hiss olunub.
***08:49
Xəzər dənizində zəlzələ olub.
Globalinfo.az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.
Bildirilib ki, 7 dekabr, yerli vaxtla saat 08:16 Xəzər dənizində zəlzələ qeydə alınıb.
Yeraltı təkanlar 5,6 maqnitudada baş verib, zəlzələ ocağı 68 km dərinlikdə yerləşib.
Zəlzələ Bakıda və bir sıra şəhərlərdə hiss olunub.
***08:18
İlkin məlumata əsasən Azərbaycan ərazisində zəlzələ qeydə alınıb.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Globalinfo.az-a bildirilib ki, yerli vaxtla 08:15-də baş verən zəlzələ hiss olunub.
Mövcud məlumatlara görə, 5 bal gücündə olan zəlzələnin ocağı Xəzər dənizində yerləşib.
***
Bu dəqiqələrdə Bakıda güclü zəlzələ baş verib.
Globalinfo.az xəbər verir ki, təkanlar bir neçə istiqamətdə hiss edilib.
Dağıntı və tələfatla bağlı məlumat yoxdur.