Azərbaycan millisi AVRO-2024-ün seçmə mərhələsində növbəti oyununu keçirib.
Globalinfo.az xəbər verir ki, Canni De Byazinin kollektivi tsikldə ilk ev matçına çıxıb.
Yığma özü kimi, seçmə mərhələdə hələ də xal qazana bilməyən Estoniya seçməsini qəbul edib. “Dalğa Arena”da baş tutan qarşılaşmanın birinci hissəsi qonaqların üstünlüyü şəraitində keçib. Nəticədə 27-ci dəqiqədə Rauno Sappinen hesabı açıb.
Fasilədən sonra heyətdə edilən əvəzləmələrlə ikinci hissəyə daha sürətli başlayan Azərbaycan millisi 62-ci dəqiqədə hesabı bərabərləşdirib. Künc zərbəsindən ötürməni Anton Krivotsyuk başla qola çevirib.
Komandaların qalan dəqiqələrdəki cəhdləri bir nəticə verməyib və oyun 1:1 hesabı ilə başa çatıb. Beləliklə, hər iki yığma seçmə mərhələdə ilk xalını qazanıb.
Qeyd edək ki, Azərbaycan millisi qrupdakı ilk iki oyununda Avstriyaya 1:4, İsveçə isə 0:5 hesabı ilə məğlub olub. Yığma növbəti matçını sentyabrın 9-da evdə Belçika seçməsinə qarşı keçirəcək.
AVRO-2024-ün seçmə mərhələsi
F qrupu, III tur
17 iyun
Azərbaycan – Estoniya – 1:1
Qollar: Anton Krivotsyuk, 62 – Rauno Sappinen, 27
***
Millimiz matçın 62-ci dəqiqəsində Anton Kiriavotsukun qolu ilə hesabı bərabərləşdirdi: 1-1.
***
AVRO-2024-ün seçmə mərhələsinin III turunda keçirilən Azərbaycan – Estoniya oyununda fasilə başa çatıb.
“Dalğa Arena”da baş tutan görüşdə ikinci hissə başlayıb.
Estoniya yığması Martin Millerin 27-ci dəqiqədə vurduğu qol sayəsində 1:0 hesabı ilə öndədir.
***
AVRO-2024-ün seçmə mərhələsinin III turunda keçirilən Azərbaycan – Estoniya oyununda birinci hissə başa çatıb.
“Dalğa Arena”da baş tutan görüşdə komandalar fasiləyə yollanıblar.
Birinci hissədən sonra Estoniya yığması öndədir – 1:0
***
AVRO-2024-ün seçmə mərhələsinin III turunda keçirilən Azərbaycan – Estoniya oyununda hesab açılıb.
Globalinfo.az xəbər verir ki, “Dalğa Arena”da baş tutan görüşdə ilk qolu qonaqlar vurublar.
27-ci dəqiqədə Martin Miller fərqlənib – 1:0.
***
Azərbaycan – Estoniya matçı başladı.
***
AVRO-2024-ün seçmə mərhələsində keçiriləcək Azərbaycan – Estoniya oyununun heyətləri müəyyənləşib.
Globalinfo.az-ın məlumatına görə, komandaların baş məşqçiləri “Dalğa Arena”da baş tutacaq qarşılaşmanın start “11-lik”lərini açıqlayıblar.
Görüş saat 20:00-da başlayacaq.
AVRO-2024-ün seçmə mərhələsi
F qrupu, III tur
17 iyun
20:00. Azərbaycan – Estoniya
Azərbaycan: 12. Şahrudin Məhəmmədəliyev, 4. Bəhlul Mustafazadə, 15. Bədavi Hüseynov, 6. Höccət Haqverdi, 3. Elvin Cəfərquliyev, 8. Emin Mahmudov (k), 20. Aleksey İsayev, 16. Elvin Camalov, 9. Renat Dadaşov, 10. Mahir Emreli, 11. Ramil Şeydayev
Ehtiyat oyunçular: 1. Emil Balayev, 23. Yusif İmanov, 2. Amin Seydiyev, 5. Anton Krivotsyuk, 7. Namik Ələskərov, 13. Qismət Alıyev, 14. Rüstəm Əhmədzadə, 17. Toral Bayramov, 18. Çoşqun Diniyev, 19. Filip Ozobiç, 21. Emil Səfərov, 22. Musa Qurbanlı
Baş məşqçi: Canni De Byazi
Estoniya: 12. Karl Yakob Heyn, 2. Myarten Kuusk, 3. Marko Lukka, 4. Mattias Kyayt, 6. Rasmus Peetson, 8. Henri Anier, 14. Konstantin Vassilyev (k), 15. Rauno Sappinen, 17. Martin Miller, 18. Karol Mets, 19. Vlasi Sinyavski
Ehtiyat oyunçular: 1. Matvey İqonen, 22. Karl Andre Vallner, 5. Rokko Robert Şeyn, 7. Georgi Tunyov, 9. Erik Sorqa, 10. Martin Vetkal, 11. Henrik Oyamaa, 13. Mixael Lilander, 16. Sten Reinkort, 20. Markus Poom, 21. Nikita Baranov, 23. Tayo Teniste
Baş məşqçi: Tomas Heberli
Baş hakim: Andrey Berka (Çexiya)
Bakı, “Dalğa Arena”
Xal durumu: Avstriya – 6. Belçika – 3 (1 oyuna). İsveç – 3. Estoniya – 0 (1 oyuna). Azərbaycan – 0.
*** 09:38
Azərbaycan millisi bu gün AVRO-2024-ün seçmə mərhələsində növbəti oyununu keçirəcək.
Globalinfo.az bildirir ki, Canni De Byazinin baş məşqçi olduğu kollektiv F qrupundakı 3-cü sınağında Estoniyanı qəbul edəcək. “Dalğa Arena”da oynanılacaq görüş saat 20:00-da başlayacaq.
Qarşılaşmanı çexiyalı FIFA referisi Andrey Berka idarə edəcək.
Qeyd edək ki, Azərbaycan millisi qrupda daha əvvəl keçirdiyi matçlarda Avstriyaya 1:4, İsveçə isə 0:5 hesabı ilə uduzub.
AVRO-2024-ün seçmə mərhələsi
F qrupu, III tur
17 iyun
20:00. Azərbaycan – Estoniya
Baş hakim: Andrey Berka
Bakı, “Dalğa Arena”
Xal durumu: Avstriya – 6. Belçika – 3. Belçika – 3 (1 oyuna). İsveç – 3. Estoniya – 0 (1 oyuna). Azərbaycan – 0.
Qeyd edək ki, bu qrupun digər oyununda Belçika və Avstriya yığmaları üz-üzə gələcəklər.
