27 Sentyabr – Anım Günündə Ağstafada Şəhidlər Memorial Abidə Kompleksi ziyarət olunub.
Globalinfo.az xəbər verir ki, anım tədbirində Ağstafa Rayon İcra Hakimiyyətinin başçısı Seymur Orucov, rayonun hüquq-mühafizə orqanlarının rəhbərləri, şəhid ailələrinin üzvləri, müharibə iştirakçıları, yerli ictimaiyyətin nümayəndələri iştirak ediblər.
Kompleksin əbədi məşəli önünə əklil qoyulduqdan sonra müqəddəs üçrəngli bayrağımızın ayparsını simvolizə edən abidə üstünə gül-çiçək dəstələri düzülüb. Saat 12:00-da Respublikamızın hər yerində olduğu kimi Vətən uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
Həmçinin oxuyun
