Britaniya və İrlandiyada tüğyan edən “Boelo” fırtınası ciddi fəsadlara səbəb olub.
Globalinfo.az xəbər verir ki, bu barədə “Sky News” telekanalı məlumat yayıb.
Güclü külək nəticəsində 57 mindən çox evin elektrik təchizatı kəsilib.
Şotlandiyanın bəzi ərazilərində küləyin sürəti saniyədə 38 metrə, İngiltərədə isə 31,1 metrə çatıb.
Oktyabrın 25-i səhər saatlarına olan məlumata görə, Böyük Mançester, Kambriya və Lankaşir də daxil olmaqla, İngiltərənin şimal bölgələrində on minlərlə ev elektrik enerjisiz qalıb.
Britaniyanın Meteorologiya Xidməti ölkənin şimalında sarı və narıncı səviyyəli hava xəbərdarlıqlarını qüvvədə saxlayıb.
Əlverişsiz hava şəraitinin ciddi nəticələri İngiltərənin cənub-qərbində, Cənubi Uelsdə, eləcə də Qərbi və Şərqi Midlends bölgələrində qeydə alınıb.
Əliyar Xəlil
Globalinfo.az
Həmçinin oxuyun
