Türkiyə ictimaiyyəti arasında “Boyun” qrupu kimi tanınan cinayətkar qruplaşmanın yüksək səviyyəli rəhbərlərindən biri Recep Demir Azərbaycanda təşkil olunan silahlı hücum nəticəsində həyatını itirib.
Globalinfo.az bildirir ki, bu barədə Türkiyə mediası məlumat yayıb.
Məlumatda deyilir ki, xaricdə qaçaq vəziyyətdə olan və barəsində axtarış qərarı verilən Demir silahlı hücumda ağır yaralanıb, daha sonra ölüb.
Məsələ ilə bağlı Azərbaycan Daxili İşlər Nazirliyi Gununsesi.info-ya bildirib ki, Azərbaycan Respublikası Daxili İşlər Nazirliyi tərəfindən Recep Demir adlı şəxsin Azərbaycan Respublikası ərazisində öldürülməsi ilə bağlı iddiaya dair zəruri araşdırma və tədqiqat aparılmışdır:
“Aparılan araşdırma və tədqiqat nəticəsində Recep Demir adlı şəxsin Azərbaycan Respublikası ərazisində öldürülməsinə dair hər hansı məlumat, qeyd və ya sənədə rast gəlinməmiş, sözügedən hadisənin Azərbaycan Respublikası ərazisində baş verdiyini təsdiqləyən hər hansı məlumat və ya qeydin olmadığı müəyyən edilmişdir”.
