Ankarada keçirilən NATO Liderlər Sammitinin yekununda “Ankara Bəyannaməsi” qəbul edilib.
Globalinfo.az APA-ya istinadən xəbər verir ki, Bəyannamədə müttəfiqlər kollektiv müdafiəyə və transatlantik birliyə sadiqliklərini bir daha təsdiqləyiblər.
Sənəddə Rusiyanın Avro-Atlantik təhlükəsizliyinə yaratdığı uzunmüddətli təhdid fonunda müdafiə imkanlarının gücləndiriləcəyi, 50 milyard ABŞ dollarından çox dəyərində yeni müdafiə satınalmalarının həyata keçiriləcəyi bildirilib.
NATO liderləri Ukraynaya dəstəyin davam etdiriləcəyini vurğulayaraq, 2026-cı ildə hərbi texnika, yardım və təlim məqsədilə 70 milyard avro ayrılacağını, 2027-ci ildə də ən azı eyni səviyyədə dəstəyin saxlanılacağını bəyan ediblər.
Bəyannamədə həmçinin İranın nüvə silahına malik olmamalı olduğu vurğulanıb və Tehran Hörmüz boğazında naviqasiya azadlığına hörmət etməyə çağırılıb.
***13:34
Türkiyənin paytaxtı Ankarada keçirilən NATO-nun 36-cı Dövlət və Hökumət Başçıları Zirvə Görüşü başlayıb.
Globalinfo.az xəbər verir ki, bu barədə Türkiyə KİV məlumat yayıb.
Türkiyə Prezidenti Rəcəb Tayyib Ərdoğan və NATO-nun Baş katibi Mark Rütte dövlət və hökumət başçılarını qarşılayıblar.
Dahya sonra NATO liderləri ailə fotosu çəkdiriblər.
