ABŞ prezidentliyinə namizəd Vivek Ramasvami seçkilərdə qalib gələcəyi təqdirdə Rusiya lideri Vladimir Putinə sövdələşmə təklif edəcəyini bildirib.
Globalinfo.az xəbər verir ki, Ramasvami Moskvanın Pekinlə müttəfiqliyini pozması müqabilində Ukraynanın NATO-ya qəbul edilməsinə icazə verilməyəcəyini deyib.
“Mən Putinə razılaşma təklif edərdim. O, Si Szinpinlə hərbi müttəfiqlikdən imtina etməlidir. Vaşinqton da qarşılığında Ukraynanı NATO-ya qəbul etməyəcəyinə dair qəti öhdəlik götürəcək. Moskva bu təklifi qəbul etsə, Vaşinqton indiki demarkasiya xətlərinə razılaşacaq. Rusiyanın nəzarətə götürdüyü ərazilər onun torpağı kimi tanınacaq, həmin ərazilərdə rusdilli sakinlər məskunlaşacaq”, – Ramasvami bildirib.
Ayşən Mustafa
Globalinfo.az
