Xəbər verdiyimiz kimi, Salyan rayon Pambıqkənd tam orta məktəbində şagirdlər arasında erkən nikah halları qeydə alınıb.
Globalinfo.az xəbər verir ki, məsələ ilə bağlı məktəbdə təhsil alan 11-ci sinif şagirdinin ana olması ilə bağlı onun valideyni jurnalistlərə açıqlama verib.
Yeniyetmənin anasının sözlərinə görə, qızının ana olması ilə bağlı xəbərlər yalandır:
“Qızım 16 yaşında qaçıb ailə qurub, amma ana olmayıb. Yoldaşımın xasiyyəti tünddür. Qızımla heç bir əlaqəmiz yoxdur”.
Daha ətraflı Baku Tv-nin süjetində:
***
“Məsələ ilə bağlı Şirvan-Salyan Regional Təhsil İdarəsinə müraciət olunub, araşdırmalar aparılır. Nəticələr bəlli olduqdan sonra ictimaiyyətə məlumat veriləcək”.
Globalinfo.az xəbər verir ki, bunu Salyan rayon Pambıqkənd tam orta məktəbində təhsil alan 11-ci sinif şagirdinin ana olması ilə məsələyə münasibət bildirən sözügedən təhsil müəssisəsinin direktor əvəzi Yeganə Səfərova deyib.
Y.Səfərovanın sözlərinə görə, məktəbdə başqa erkən nikah faktı qeydə alınmayıb.