ABŞ Prezidentinin xüsusi nümayəndəsi Stiven Uitkoff ilk dəfə Azərbaycan-Ermənistan dialoqunda iştirakına eyham vurub.
Globalinfo.az xəbər verir ki, o, bu barədə amerikalı jurnalist Taker Karlsona müsahibəsində danışıb.
Uitkoff ABŞ-ın təsirli ola bilməyəcəyi hallarda vasitəçiliyə cəlb olunmasının düzgün olmadığını deyib.
“Niyə ABŞ-ın vaxtını boşa sərf edirsiniz? Niyə mən prezidentin yanına gəlib təklif etməliyəm ki, dialoq yolu ilə nəyisə edə bilərik, sonra isə bunu bacarmayaq. Bu, pis siyasi strategiyadır”, – deyə o bildirib.
ABŞ Prezidentinin xüsusi nümayəndəsinin sözlərinə görə, qiymətləndirmələr aparandan sonra iştirakın mənası olar:
“Bu hesablamalar təkcə İran, Rusiya və Ukraynaya deyil, Azərbaycan və Ermənistana da şamil edilir. ABŞ danışıqlarda yalnız real təsir imkanlarına malik olduğu hallarda iştirak etməlidir”.
Əliyar Xəlil
Globalinfo.az
Həmçinin oxuyun
