“Avropa İttifaqından (Aİ) ölkəmizin Avrointeqrasiya qarşısındakı siyasi maneələri dərhal aradan qaldıracağını gözləyirik”.
Globalinfo.az xəbər verir ki, bunu Türkiyə Prezidenti Rəcəb Tayyib Ərdoğan deyib.
“Türkiyənin Aİ-yə üzvlüyü ilə bağlı danışıqların canlanması və irəliləməsi üçün başqa bir günü gözləməməlidir. Bu inkişaflar indi baş verməlidir. Aİ-dəki bütün həmsöhbətlərimizə deyirik ki, təşkilata tamhüquqlu üzvlük məqsədimizə möhkəm sadiq qalırıq”, – deyə o bildirib.
Ərdoğanın sözlərinə görə, birlik bu məsələyə strateji və uzaqgörənliklə yanaşarsa, Aİ-nin addım atmasına heç bir maneə olmayacaq.
O vurğulayıb ki, ölkəyə qarşı siyasi maneələr təcili aradan qaldırılmalıdır.
Türkiyə prezidenti Avropa İttifaqı ilə bərabərhüquqlu ədalətli münasibətlərə ümid etdiyini bildirib.
Əliyar Xəlil
Globalinfo.az
