Bəhreyndə Əl-Xəlifə sülaləsinin hərəkətləri yeni regional təhlükəsizlik qaydasında onların hakimiyyətinə xələl gətirə bilər.
Globalinfo.az Axar.az-a istinadən xəbər verir ki, bu barədə “Mehr” agentliyi məlumat yayıb.
Bildirilib ki, İran İslam İnqilabı Keşikçiləri Korpusunun (SEPAH) sözçüsü, briqada generalı Hüseyn Mohebbi Bəhreyn hökumətinin üç əsas səhvə yol verdiyini bildirib:
“İrana müdaxiləni asanlaşdırmaq, ABŞ təhlükəsizlik sistemindən asılılığı qorumaq və şiə ruhanilərinin nüfuzunu sarsıtmaq…”
O həmçinin qeyd edib ki, əgər bu hərəkətlər davam edərsə, yeni regional təhlükəsizlik qaydasında Əl-Xəlifə rejiminin yaşaması təhlükə altında olacaq.
Qeyd edək ki, ötən gün Bəhreyn məhkəməsi İran İslam İnqilabı Keşikçiləri Korpusu (SEPAH) ilə əlaqələrdə ittiham olunan və aralarında şiə din xadimlərinin də olduğu 59 nəfəri ömürlük, 5 nəfəri isə 15 il azadlıqdan məhrum edib.