Xəzərdə dəniz limanlarının rəqabəti artır, qonşu ölkələr infrastrukturu inkişaf etdirir, Rusiya bu istiqamətdə fəal işləməlidir.
Globalinfo.az xəbər verir ki, bunu Rusiya prezidenti Vladimir Putin hökumət üzvləri ilə keçirdiyi onlayn müşavirədə bildirib.
“Xəzərdə, siz də bilirsiniz, rəqabət artır. Bizim qonşularımız əslində yaxşı işləyirlər və liman obyektlərini çox fəal inkişaf etdirirlər. Onlar həqiqətən rəqabət yaradırlar, yaxşı işləyirlər. Bu baxımdan bizim buna xüsusi diqqət yetirməmiz lazımdır”, – deyə Putin vurğulayıb.
