Ermənistanın Baş naziri Nikol Paşinyanda koronavirus aşkar edilib.
Globalinfo.az xəbər verir ki, bu barədə Paşinyan Feysbukda yazıb.
Onun sözlərinə görə, dekabrın 23-də verdiyi testin nəticəsi müsbət çıxıb:
“Bazar ertəsi, yəni dekabrın 23-də COVID testim müsbət çıxdı. Ayın 23 və 24-də özümü təcrid etdim və iqamətgahımdan işlədim. Dekabrın 25-də nəticələr artıq mənfi oldu, adi iş rejimimə qayıtdım”.
N.Paşinyan Rusiyada keçiriləcək sammitə qatılmayacağını bildirib:
“Həmkarlarımla məsləhətləşdikdən sonra qərara gəldim ki, bu gün Sankt-Peterburqda keçiriləcək MDB liderlərinin qeyri-rəsmi sammitində iştirak etməyim. Günün sonuna kimi sabah Avrasiya İqtisadi Birliyi (Aİİ) Ali İqtisadi Şurasının iclasında iştirak edib-etməmək barədə qərar qəbul edəcəyəm”.
Qeyd edək ki, sosial şəbəkənin Ermənistan seqmentində Paşinyanın MDB liderlərinin sammitində iştirakdan yayınmaq üçün koronavirus iddiasını ortaya atdığı deyilir.
Zaira Akifqızı
Globalinfo.az
