Almaniyanın xarici işlər naziri Annalena Berbok Parisdəki hücumda həlak olan alman əsilli filippinli turistin ailəsinə başsağlığı verib.
Nazir bunları yazıb:
“Parisdən şok xəbər aldıq. İslamçıların (?) hücumu zamanı öldürülən gənc almanın ailəsinin yanındayam”.
***
Parisdə Eyfel qülləsinin yaxınlığında turistlərə silahlı hücum olub.
Globalinfo.az xəbər verir ki, bu barədə Fransanın daxili işlər naziri Gerald Darmanin məlumat yayıb.
O bildirib ki, hadisə zamanı Almaniya vətəndaşı həlak olub, daha iki nəfər yaralanıb.
Cinayətkarın 1997-ci il təvəllüdlü Fransa vətəndaşı olduğu qeyd edilir.
İddia edilir ki, o, radikal islamçılığa meyillidir və psixi pozğunluqdan əziyyət çəkir.
