Türkiyə Prezidenti Rəcəb Tayyib Ərdoğan hücuma məruz qalan İstanbulun Fateh məscidinin imamı Qalip Ustaya zəng edib.
Globalinfo.az xəbər ki, Türkiyə lideri ona şəfa diləyib, tezliklə sağalıb öz işinə qayıtması üçün dua edib.
Prezident həmçinin həkimlərlə də danışıb, xəstənin sağlıq vəziyyəti ilə maraqlanıb.
***12:50
Türkiyədə məscid imamı və həmin vaxt yanında olan şəxs bıçaqlanıb.
Globalinfo.az oxu.az-a istinadən bildirir ki, hadisə İstanbul şəhərində Fateh məscidində baş verib. Səbəb isə məscid imamının ibadət ocağında şüarlar səsləndirən şəxsə irad bildirməsi olub.
Bildirilir ki, Ö.S. adlı şəxs məsciddə şüarlar səsləndirib. Buna görə imam ona xəbərdarlıq edib və ibadət ocağından çıxmasını istəyib.
Sonradan Ö.S. məscid imamı ilə danışmaq istədiyini bildirib və onun otağına girməyə çalışıb. Bu zaman ona mane olmaq istəyən şəxsə bıçaqla xəsarət yetirib, ardınca isə imama hücum edib.
Hadisə yerinə gələn polislər Ö.S.-ni saxlayıblar. Yaralılara hadisə yerində ilkin tibbi yardım göstərilərək təcili yardımla xəstəxanaya aparılıblar. Məlumata görə, Fatih məscidinin imamı döş qəfəsi, bel və boğaz nahiyələrindən bıçaq yaraları alıb.
Hadisə ilə bağlı İstanbul Baş Prokurorluğu tərəfindən istintaq başlanılıb.
