Macarıstanın baş naziri Viktor Orban Ukrayna ilə danışıqlara başlamaqla bağlı qərar səslənərkən Avropa İttifaqının (Aİ) sammitinin keçirildiyi iclas zalını tərk edib.
Globalinfo.az xəbər verir ki, bu barədə sammit çərçivəsində jurnalistlərə avropalı mənbə bildirib.
“Şura Ukrayna ilə bağlı qərar qəbul edərkən Orban müvəqqəti olaraq iclas zalında olmayıb, bu razılaşdırılıb və konstruktiv şəkildə həyata keçirilib”, – deyə mənbədən bildirib.
Eyni zamanda, başqa bir mənbə Orbanın “hansı qərarın veriləcəyindən xəbərdar olduğunu” vurğulayıb.
Qeyd edək ki, daha əvvəl Macarıstanın baş naziri özünün sosial şəbəkə hesabında Ukrayna ilə danışıqlara başlamaq qərarının düzgün olmadığını bildirmişdi.
