Arxiyepiskop Baqrat Qalstanyan Ermənistanın Baş naziri Nikol Paşinyanın bu gün parlamentdə səsləndirdiyi bəyanatları şərh edib.
Globalinfo.az xəbər verir ki, erməni Qalstanyan Paşinyanın erməni din xadimlərini “agent” adlandırmasına belə reaksiya verib:
“Hər şeyi onlar düzgün edirlər. İntellektual düşüncələri bu səviyyədədir. Çox bilsəydilər, daha çox iş görərdilər. Yalan danışmağın kralı olan Paşinyandan əlini kəsib-kəsmədiyini soruşun. O, ümumiyyətlə nə danışdığını bilmir”, – arxiyepiskop bildirib.
Paşinyanın hərəkatın mübarizəsinin dövlətin məhvinə gətirib çıxaracağı ilə bağlı bəyanatına cavab olaraq arxiyepiskop deyib:
“Təsadüfi yaradılış dövlətçiliyin daşıyıcısı ola bilməz. Paşinyan birinci olmasa da, onlardan biridir. O, planlı bir təsadüfün məhsuludur. Bu adam dövləti dağıtmaqdan və parçalamaqdan başqa nə töhfə verir?”, – deyə Qalstanyan vurğulayıb.
Müşviq Tofiqoğlu
Globalinfo.az