Yeni Azərbaycan Partiyası 2024-cü il fevralın 7-də keçiriləcək Azərbaycan Respublikasının Prezidenti seçkilərində irəli sürdüyü namizəd İlham Heydər oğlu Əliyevin təşviqat kampaniyasına start verib.
Globalinfo.az xəbər verir ki, bu barədə YAP rəsmi olaraq məlumat yayıb.
Məlumatda qeyd edilib: “İnanırıq ki, qalib Azərbaycan xalqının seçimi Vətənə, xalqa ləyaqətlə xidmət göstərən, verdiyi vədlərə əməl edərək ölkəmizə möhtəşəm nailiyyətlər qazandıran və parlaq Qələbə bəxş edən, suverenliyimizin bərpasına nail olan Qalib Lider – İlham Əliyev olacaq.
ZƏFƏRLƏRƏ DAVAM!”
Qeyd edək ki, bu gündən etibarən növbədənkənar prezident seçkiləri ilə əlaqədar seçkiqabağı təşviqatın aparılmasına başlanılır.
Fevralın 6-sı saat 8:00-da təşviqatın aparılması dayandırılacaq.
