Yəməndəki “Ənsar Allah” hərəkatına bağlı husilər İsrailin ərazisinə hipersəs ballistik raketlə hücum həyata keçiriblər.
Globalinfo.az xəbər verir ki, bu barədə hərəkatın hərbi qanadının sözçüsü Yəhya Sariya “Əl-Məsirə” telekanalına açıqlamasında bildirib.
Onun sözlərinə görə, hücumun hədəfi Təl-Əvivdə yerləşən Ben Qurion beynəlxalq hava limanı olub və “Fələstin-2” tipli hipersəs raketindən istifadə edilib. Sariya əməliyyatın uğurla həyata keçirildiyini vurğulayıb.
Qeyd edək ki, iyulun 29-da isə “Ənsar Allah”ın siyasi büro üzvü Məhəmməd əl-Buheyti ABŞ-a məxsus ticarət gəmilərinin İsrail limanları ilə əlaqə quracağı halda husilərin hədəfinə çevriləcəkləri barədə xəbərdarlıq edib.
Tahir Turan
