Ötən gün Keniyanın Samburu dairəsində helikopterin qəzaya uğraması nəticəsində həlak olanlardan birinin də kimliyi məlum olub.
Globalinfo.az “Qafqazinfo”ya istinadən xəbər verir ki, amerikalı milyonçu Rocer Duarte Keniyada baş verən helikopter qəzasında həlak olanlar arasındadır.
“Çərşənbə günü səhər saatlarında Keniyanın şimalında dağ ətəyində qəzaya uğrayan helikopterdə olan beş amerikalıdan biri də vaxtilə “Forbes” jurnalının “30 yaşa qədər 30 nəfər” siyahısına düşmüş milyonçu sahibkar idi”, – məlumatda deyilir.
Bildirilir ki, polisin ilkin hesabatına əsasən, göyərtədə ümumilikdə yeddi nəfər olub və sağ qalan olmayıb. Onlardan beşi ABŞ vətəndaşı idi.
Ekvador hökuməti məlumat verib ki, təyyarədə ölkənin Milli Kəşfiyyat Mərkəzinin baş direktoru Mişel Sensi-Kontuci və onun həyat yoldaşı, həmçinin dizayner və sahibkar Stefani Hollihan olublar.
