Fransa millisinin baş məşqçisi Didye Deşam 2026-cı il Dünya çempionatında üçüncü yer uğrunda İngiltərə yığmasına qarşı keçirilən oyundakı məğlubiyyətin məsuliyyətini üzərinə götürüb.
Globalinfo.az xəbər verir ki, bu barədə “RMC Sport” məlumat yayıb.
“Matçın əvvəlindən fərqli qərarlar verməli idim. Bəlkə də o zaman hər şey başqa cür inkişaf edərdi. Təbii ki, hamını oyunun nəticəsinə görə qiymətləndirirlər, amma mən futbolçuları – onların fərqli xarakterləri və fərdi xüsusiyyətləri ilə – heç vaxt ictimai şəkildə tənqid etməmişəm və indi də bunu etməyə hazırlaşmıram”, – deyə Deşam bildirib.
Qeyd edək ki, görüş İngiltərə millisinin 6:4 hesablı qələbəsi ilə başa çatıb. İngilislər artıq ilk hissədə 4:0 hesabı ilə önə keçiblər. İngiltərə yığmasının heyətində Deklan Rays, Ezri Konsa, Cud Bellinqem və het-trik edən Bukayo Saka fərqlənib. Eyni zamanda Harri Keyn bütün oyunu ehtiyat oyunçular skamyasında keçirib, Bellinqem isə yalnız 80-ci dəqiqədə meydana çıxıb.
Fransa millisində isə qolları Bredli Barkola, Usman Dembele və dubl edən Kilian Mbappe vurub. Fransa kapitanı Barkolanın qoluna məhsuldar ötürmə də edib.
Bu qarşılaşma Deşam üçün Fransa millisinin baş məşqçisi postunda son oyun olub.
Əliyar Xəlil
Globalinfo.az
Həmçinin oxuyun
