İran İslam İnqilabı Keşikçiləri Korpusunun (SEPAH) komandanının müşaviri Əli Bilali ABŞ-a qarşı mümkün yeni hərbi qarşıdurma zamanı Vaşinqtona dəstək verən ölkələrin də İranın hədəfinə çevrilə biləcəyini bildirib.
Globalinfo.az-ın məlumatına görə, general ABŞ-ın İrana qarşı yeni hücuma başlaması və digər ölkələrin bu əməliyyata yardım göstərməsi halında həmin dövlətlərin İran tərəfindən qanuni hərbi hədəf hesab ediləcəyini vurğulayıb.
“Yeni təcavüz baş verəcəyi təqdirdə, ABŞ-ın İrana hücumuna kömək edən istənilən ölkə və ya qüvvə İslam Respublikasının qanuni hədəfinə çevrilə bilər”, – deyə Bilali bildirib.
SEPAH rəsmisi, həmçinin İranın raket arsenalının regionda yerləşən İsrail və ABŞ hərbi bazalarına zərbələr endirmək üçün kifayət qədər mənzilə malik olduğunu iddia edib.
Tahir Turan
Globalinfo.az
