Bu gün saat 14 radələrində Lökbatan qəsəbəsindən Ümid qəsəbəsinə 164 saylı marşrut xətti üzrə hərəkət edən “İsuzu” markalı sərnişin avtobusu sürücünün idarəetməni itirməsi səbəbindən aşıb.
Daxili İşlər Nazirliyinin Mətbuat Xidmətindən Globalinfo.az-a bildirilib ki, nəticədə avtobusda olan sərnişinlərdən 8 nəfəri müxtəlif dərəcəli bədən xəsarətləri alıblar. Hadisə yerinə cəlb olunan polis əməkdaşları tərəfindən yaralılara ilkin tibbi yardım göstərilib. Daha sonra təcili yardıma məlumat verilib və xəsarət alan şəxslər xəstəxanaya yerləşdirilib.
X X X
Bakı – Ələt – Astara yolunda qəza olub.
Globalinfo.az bildirir ki, “Qafqazinfo”nun xəbərinə görə, qəza mikroavtobusun aşması nəticəsində baş verib.
2 nəfərin öldüyü, 5 yaralının olduğu bildirilir.
Hadisə yerinə DYP əməkdaşları cəlb olunub, araşdırma aparılır.