Azərbaycan Respublikası Dövlət Neft Şirkəti (SOCAR) və Türkiyə “Qalatasaray”ı arasında sponsorluq müqaviləsinin maliyyə detalları bəlli olub.
Globalinfo.az klubun rəsmi saytına istinadən xəbər verir ki, SOCAR qarşılıqlı əməkdaşlıq çərçivəsində İstanbul təmsilçisinə hər il üçün 5 000 000 avro ödəyəcək.
Bu isə o deməkdir ki, 3 illik sponsorluq sözləşməsinin ümumi dəyəri 15 000 000 avro təşkil edəcək.
Klub vəsaitin hansı istiqamətlərə xərclənəcəyini daha sonra açıqlayacaq.
Qeyd edək ki, “Qalatasaray” 2023-2024-cü il mövsümündə UEFA-nın bayrağı altında təşkil olunacaq bütün rəsmi klub turnirlərində (Çempionlar Liqası, Avropa Liqası ve Konfrans Liqası daxil olmaqla) SOCAR loqosu ilə çıxış edəcək.
SOCAR, həmçinin mediada “Qalatasaray Futbol Komandasının Enerji Sponsoru” ifadəsindən istifadə etmək hüququna da sahib olub.
“Qalatasaray” İdman Klubu ilə SOCAR arasında 2023-2024-cü illər mövsümündən başlayaraq üç illik sponsorluq müqaviləsi imzalanıb.
SOCAR-dan bildirilib ki, “SOCAR Türkiyə”, “Qalatasaray” İdman Klubu və “Qalatasaray Sportif A.Ş.” arasında imzalanan müqaviləyə əsasən, “Qalatasaray” futbol komandası 2023 – 2024-cü il mövsümündə UEFA çərçivəsində təşkil olunacaq bütün rəsmi yarışlarda (Çempionlar Liqası, Avropa Liqası ve Konfrans Liqası daxil olmaqla) SOCAR loqosu ilə çıxış edəcək. SOCAR, həmçinin mediada “Qalatasaray Futbol Komandasının Enerji Sponsoru” ifadəsindən istifadə etmək hüququna da sahib olub.
