Dünyaca məşhur portuqaliyalı futbolçu Kriştiano Ronaldo sosial şəbəkə hesabında Ermənistan səfərindən paylaşım edib.
Globalinfo.az xəbər verir ki, Ronaldo Ruben adlı erməni azyaşlı ilə meydançadan fotosunu paylaşıb.
“Dünən yeni dost qazandım. Sevgi və dəstəyə görə çox minnətdaram. Ümid edirəm ki, hər kəs öz arzularının ardınca gedəcək”, – paylaşımda qeyd edib.
Məlumata görə, Ruben eşitmə və nitq məhdudiyyətlidir. O, Ermənistanda əlilliyi olan uşaqlardan ibarət inklüziv futbol komandasının üzvüdür. Sentyabrın 6-da baş tutan Portuqaliya-Ermənistan qarşılaşmasında gənc Ruben Ronaldo ilə görüşüb və onun sevinci dünya mediasında gündəm olub.
Qeyd edək ki, qarşılaşma Portuqaliyanın 5-0 qələbəsi ilə yekunlaşıb. K.Ronaldonun oyundan bir gün öncə İrəvandakı davranışı isə ciddi rezonans doğurub. Ronaldo onunla foto çəkdirmək istəyən erməni azarkeşi itələyib. Sözügedən görüntülər narazılıq doğurub.
Onun Rubenlə bağlı paylaşımı təqdir edilsə də, ümumilikdə futbolçunun Ermənistan səfəri ictimaiyyətdə birmənalı qarşılanmayıb.
Meet Ruben 🇦🇲❤️
Ruben is a young Armenian boy with hearing and speech disabilities who plays inclusive football, a program that brings together children with different health and developmental challenges. Yesterday, his greatest dream came true: he walked out onto the field… pic.twitter.com/WOkMQo1Sac— Zartonk Media (@ZartonkMedia) September 7, 2025
Əliyar Xəlil
Globalinfo.az
Həmçinin oxuyun
