“Soçidə Türkiyə Cumhurbaşqanı Rəcəb Tayyib Ərdoğanla Rusiya prezidenti Vladimir Putin arasında xeyli mövzu müzakirə olunub. Rəcəb Tayyib Ərdoğan birgə mətbuat konfransında “Cənubi Qafqaz, Suriya və Liviyadakı durumu müzakirə etdik” cümləsini işlədib”.
Globalinfo.az xəbər verir ki, bunu Ərdoğan-Putin görüşünü şərh edən politoloq Elxan Şahinoğlu qeyd edib.
O bildirib ki, bu cümlədən çıxan nəticə budur ki, bizim məsələ ilə bağlı qısa fikir mübadiləsi olub.
Elxan Şahinoğlu
“Türkiyə Cumhurbaşqanı NATO-nun son Vilnyus zirvə toplantısında Rusiya hərbi kontingentinin 2025-ci ilə qədər tərk edəcəyinə inandığını bildirmiş və Putinin bununla bağlı vədini xatırlatmışdı.
Fikrimcə, Ərdoğan Rusiyanın 9 noyabr 2020-ci ilə razılığının şərtlərinə sadiq qalacağına inandığını bir daha Putinin diqqətinə çatdırıb. Putinin bu mövzuda nə düşündüyü hələ bizə bəlli deyil, 2025-ci ilə isə az müddət qalıb”, – deyə politoloq qeyd edib.
