Moskva ətrafında uçan PUA-lardan daha biri məhv edilib.
Globalinfo.az xəbər verir ki, bu barədə şəhər meri Sergey Sobyanin Teleqram kanalında məlumat yayıb.
Onun sözlərinə görə, hava hücumundan müdafiə qüvvələri Moskvaya yaxınlaşan beşinci PUA-nı da zərərsizləşdirib.
Rəsmi açıqlamada bildirilir ki, Fövqəladə Hallar Xidməti hadisə yerində dağıntıların aradan qaldırılması və təhlükəsizlik tədbirlərinin görülməsi ilə məşğuldur.
Qeyd edək ki, bundan əvvəl gün ərzində – saat 13:00-dan 20:00-a qədər şəhərə doğru yaxınlaşan daha dörd pilotsuz uçan aparatın məhv edildiyi açıqlanıb.
Tahir Turan
Globalinfo.az
