“Üçüncü Dünya müharibəsi ilə bağlı proqnozlar narahatlıq doğurur. Bu qorxular müəyyən qədər yersiz görünsə də, əsaslıdır”.
Globalinfo.az xəbər verir ki, bunu Belarus Prezidenti Aleksandr Lukaşenko deyib.
O, NATO-nun Rusiya və Belarus yaxınlığında minlərlə əsgər yerləşdirdiyini bildirib:
“Biz faktiki olaraq köhnə, ənənəvi hədə-qorxu üsullarından istifadə edilən böyük, uzunmüddətli hərbi-siyasi böhranın episentrindəyik. Hərbi güc yenidən dünyada vacib qərarların qəbul edildiyi mərkəzlərin əsas arqumentinə çevrilib. Sanki Birinci və İkinci Dünya müharibələri baş verməmiş, milyonlarla insan ölməmiş kimi bir ab-hava var. Hazırda NATO-nun onminlərlə əsgəri, yüzlərlə zirehli texnikası, təyyarə və helikopteri Rusiya və Belarus sərhədi yaxınlığında yerləşdirilib. Təxminən 32 min NATO və ABŞ əsgəri, mindən çox zirehli texnika, 160-a yaxın artilleriya sistemi, 235 təyyarə və helikopterdən söhbət gedir”.
Əliyar Xəlil
Globalinfo.az
