Futbol üzrə İngiltərə Premyer Liqasında XXV tura yekun vurulub.
Globalinfo.az xəbər verir ki, son oyun günündə iki qarşılaşma keçirilib.
Günün ilk matçında “Kristal Pelas” səfərdə “Brayton”u 1:0 hesabı ilə məğlub edib.
Turun bağlanış oyununda isə “Liverpul” öz meydanında “Mançester Siti”yə uduzub – 1:2. Görüşdə hesabı Dominik Soboslainin vurduğu qolla Mersisayd təmsilçisi açsa da, qonaqlar geridönüş edə biliblər. Əvvəlcə Bernardu Silva, ardınca isə Erlinq Holann fərqlənərək, yekun hesabı müəyyənləşdiriblər.
Bu nəticədən sonra xallarını 50-yə çatdıran “Mançester Siti” 2-ci pillədə qərarlaşıb. “Liverpul” isə 39 xalla 6-cıdır. Turnir cədvəlinə 56 xalla “Arsenal” başçılıq edir.
Qeyd edək ki, bir müddət əvvəl “Liverpul” həmin stadionda “Qarabağ“ı 6-0 məğlub etmişdi.
