“Bizim mövqeyimizdə dəyişiklik yoxdur”.
Globalinfo.az xəbər verir ki, bu sözləri Ermənistan Baş naziri Nikol Paşinyan bugünkü mətbuat konfransında Türkiyə Prezidenti Rəcəb Tayyib Ərdoğanın Zəngəzur dəhlizi ilə bağlı problemin Ermənistanla deyil, İranla bağlı olması barədə bəyanatı ilə bağlı sualı cavablandırarkən deyib.
“Bu bəyanatdan (Ərdoğanın açıqlamasından – red.) sonra biz öz mövqelərimizi və təəssüratımızı təkcə tərəfdaş ölkələrlə deyil, Türkiyə ilə də bölüşdük. Ermənistan Respublikasının ərazisində heç bir “dəhliz” fəaliyyət göstərə bilməz.
Brüsseldəki son görüşün yekunlarına dair bəyanatda deyildiyi kimi, Ermənistan ərazi bütövlüyü, suverenliyi və yurisdiksiyası çərçivəsində fəaliyyət göstərməli olan yolları açmağa hazırdır”, – Paşinyan bildirib.
