Polşa Ukraynada yaradılması planlaşdırılan “Patriot” raket istehsalı müəssisəsinin öz ərazisinə köçürülməsini təklif edib.
Globalinfo.az xəbər verir ki, bunu Polşanın müdafiə nazirinin müavini Maqdalena Sobkovyak-Çarneçka bildirib.
Onun sözlərinə görə, Varşava təhlükəsizlik məsələlərini nəzərə alaraq, “Patriot” raketlərinin istehsalı ilə bağlı layihənin Ukraynadan Polşaya köçürülməsini istəyib.
Bununla yanaşı, Polşa ABŞ-dan ölkə ərazisində yeni hərbi baza yaradılması ilə bağlı qərar gözləyir. Bildirilir ki, bazada 5 minədək ABŞ hərbçisinin yerləşdirilməsi nəzərdə tutulur.
Məlumata görə, ilin sonunda Polşada yeni bazanın yaradılması ilə bağlı qərar verilə bilər.
Xarici KİV Polşanın bu hərbi tədbirlərini mümkün müharibəyə hazırlıq kimi qiymətləndirir.
Tahir Turan
Globalinfo.az
