Belarus Silahlı Qüvvələri “Stena” anti-dron sistemini alıb.
Globalinfo.az xəbər verir ki, bu barədə Belarusun Dövlət Hərbi-Sənaye Komitəsi məlumat yayıb.
“Belarus Silahlı Qüvvələri kiçik ölçülü, aşağı sürətli “Stena” sistemini silahlanmaya qəbul edib. Bu, son dərəcə aşağı hündürlüklərdə uçan hava hədəfləri ilə mübarizə aparmaq üçün nəzərdə tutulub. Sistem infrastruktur obyektlərini, həmçinin stasionar və mobil mövqeləri müxtəlif dronlardan qorumağa imkan verir.
Kompleksin əsasını operatorun avtomatlaşdırılmış iş yeri təşkil edir. Bu sistem müxtəlif kəşfiyyat vasitələrindən məlumat qəbul edir, kəşfiyyat məlumatlarını birləşdirir və hədəfləri məhvetmə və radioelektron basdırma vasitələri arasında avtomatik bölüşdürür.
“Stena” kompleksi fazalı antenna şəbəkəsinə malik radiolokasiya stansiyası ilə təchiz olunub. X-diapazonlu radar az görünən obyektləri aşkarlayıb izləyə bilir. Sistem orta ölçülü dronları 25 kilometrədək, mini-dronları isə 15 kilometrədək məsafədən aşkar edir”, – deyə bildirilib.
Əliyar Xəlil
Globalinfo
Həmçinin oxuyun
