Bakıda fəaliyyət göstərən 85 saylı marşrut xətti üzrə avtobusun sürücüsü döyülüb.
Globalinfo.az bildirir ki, “Report”un xəbərinə görə, sərnişin əvvəlcə avtobus sürücüsü ilə mübahisə edib.
Daha sonra, o, sürücünü döyərək ərazidən uzaqlaşıb.
Daxili İşlər Nazirliyinin Mətbuat Xidmətindən “Report”un sorğusuna cavab olaraq bildirilib ki, səhər saatlarında avtobus sürücüsünə hücum edən Azad Şıxızadə saxlanılıb: “Həmin şəxsin orta dərəcəli sərxoş olduğu müəyyən edilib. Hazırda araşdırma aparılır”.
