Azərbaycan kinematoqrafiyasının sevilən ekran işlərindən olan “Babək” filminin çəkilişlərindən nadir görüntülər yayılıb.
Globalinfo.az xəbər verir ki, “Adel” Yutub kanalının paylaşdığı kadrarxası görüntülər sosial şəbəkələrdə maraqla qarşılanıb.
Videoda “Babək” rolunu canlandıran Rasim Balayevin qrimlənməsi, həmçinin aktyorlardan birinin paltarının qəfil alovlanması əksini tapıb.
Bildirilir ki, bundan başqa, çəkiliş zamanı bəzi aktyorlar bədən xəsarətləri alıblar.
Qeyd edək ki, “Babək” tammetrajlı bədii filmi rejissor Eldar Quliyev tərəfindən 1979-cu ildə ekranlaşdırılıb. Filmdə Rasim Balayev, Həsənağa Turabov, Amaliya Pənahova, Şahmar Ələkbərov, Ənvər Həsənov kimi görkəmli aktyorlar rol alıb. “Babək” Azərbaycan SSR-in ən bahalı filmidir.
Əliyar Xəlil
Globalinfo.az
