“Azərbaycan Hava Yollarına (AZAL) məxsus təyyarənin Aktau yaxınlığında qəzaya uğraması ilə bağlı ibtidai istintaqın məlumatları hələ ki, açıqlanmayıb”.
Globalinfo.az xəbər verir ki, bu barədə Qazaxıstan Prokurorluğu məlumat yayıb.
“Hazırda işin hərtərəfli, tam və obyektiv araşdırılmasını təmin etmək üçün bütün tədbirlər görülür. Qazaxıstanın Cinayət-Prosessual Məcəlləsinin 201-ci maddəsinə əsasən, ibtidai istintaq məlumatları açıqlanmır”, – deyə bildirilib.
Qeyd edək ki, 2024-cü il dekabrın 25-də səhər saatlarında Qazaxıstanın Aktau şəhərində AZAL-a məxsus sərnişin təyyarəsi qəzaya uğrayıb.
Təyyarədə 5 ekipaj üzvü olmaqla, 67 nəfər olub. Qəza nəticəsində Azərbaycan, Rusiya və Qazaxıstan vətəndaşları daxil olmaqla, 38 nəfər həyatını itirib.
Fevralın 19-da Qazaxıstanın nəqliyyat nazirinin müavini Talqat Lastayev bəyan edib ki, təhqiqat üzrə yekun hesabat 2025-ci ilin dekabrına kimi təqdim olunacaq.
Günay Rəsulqızı
Globalinfo.az
Həmçinin oxuyun
