“İran və ABŞ arasında yekun sazişə nail olunması məqsədilə yeni danışıqlar mərhələsi başlayacaq”.
Globalinfo.az xəbər verir ki, bunu İranın xarici işlər naziri Abbas Əraqçi deyib.
O, tərəflər arasında müharibənin dayandırılmasına dair İslamabad memorandumunun detalları barədə danışıb. Nazirin sözlərinə görə, cümə günü başlayacaq yeni mərhələ İran və ABŞ arasında yekun razılaşmanın əldə olunmasına yönəlib.
“Livan da daxil olmaqla, bütün cəbhələrdə hərbi əməliyyatların dərhal dayandırılmasının elan edilməsi memorandumun ən vacib bəndidir”, – o qeyd edib.
Əraqçi qeyd edib ki, üç ay davam edən danışıqlardan sonra ilkin mərhələ artıq başa çatıb və tərəflər daha irəli mərhələyə keçid alırlar.
Safura Bənnayeva
Globalinfo.az
Həmçinin oxuyun
