Şuşada Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin təşkilatçılığı ilə Türk Dövlətləri Təşkilatı (TDT) ölkələrinin rəqabət qurumları rəhbərlərinin forumu keçirilib.
Globalinfo.az APA-ya istinadən bildirir ki, tədbirdə Azərbaycan, Türkiyə, Qazaxıstan, Qırğızıstan, Özbəkistan, Macarıstan və Şimali Kipr Türk Respublikasının rəqabət qurumlarının rəhbərləri və yüksək vəzifəli nümayəndələri, Türk Dövlətləri Təşkilatının Baş katibinin müavini, eləcə də aidiyyəti dövlət qurumları və özəl sektor təmsilçiləri iştirak ediblər.
Forumun açılış mərasimində Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin sədri Elnur Bağırov, iqtisadiyyat nazirinin müavini Səməd Bəşirli və TDT Baş katibinin müavini Merey Mukajan çıxış ediblər.
Çıxışlarda TDT-yə üzv ölkələr arasında iqtisadi inteqrasiyanın dərinləşdirilməsinin, rəqabət siyasəti sahəsində əməkdaşlığın genişləndirilməsinin və ortaq fəaliyyət platformalarının gücləndirilməsinin vacibliyi vurğulanıb.
Bildirilib ki, forumun keçirilməsində əsas məqsəd üzv ölkələrin rəqabət siyasəti üzrə yanaşmalarının uyğunlaşdırılması, hüquqi və institusional təcrübə mübadiləsinin genişləndirilməsi, həmçinin regional əməkdaşlığın inkişafına töhfə verməkdir.
Tədbir çərçivəsində “Rəqabət siyasətinin formalaşdırılması TDT-nin hərəkətverici qüvvələrindən biri kimi: regional əməkdaşlıq” mövzusunda panel müzakirəsi keçirilib.
Müzakirələr zamanı rəqabət siyasətinin regional əməkdaşlıq kontekstində inkişaf etdirilməsi, rəqabət orqanları arasında koordinasiyanın gücləndirilməsi və TDT məkanında rəqabətqabiliyyətli vahid iqtisadi məkanın formalaşdırılması məsələləri ətrafında fikir mübadiləsi aparılıb.
Şuşada Türk Dövlətləri Təşkilatı ölkələrinin rəqabət qurumları rəhbərlərinin 3-cü iclası və Rəqabət Forumu keçirilir.
Globalinfo.az xəbər verir ki, Forumda rəqabət siyasətinin formalaşdırılması və bu sahədə regional əməkdaşlığın gücləndirilməsi müzakirə olunacaq.
Açılış mərasimində Antiinhisar və İstehlak Bazarına Nəzarət Dövlət Agentliyinin sədri Elnur Bağırov, iqtisadiyyat nazirinin müavini Səməd Bəşirli və TDT Baş katibinin müavini Merey Mukajan çıxış edəcəklər.
Panel müzakirəsində Azərbaycan, Türkiyə, Özbəkistan, Qazaxıstan və Qırğızıstanın rəqabət qurumlarının nümayəndələri iştirak edəcəklər.
Daha sonra rəqabət qurumları rəhbərlərinin 3-cü iclası keçiriləcək. Tədbirdə həmçinin Macarıstan və Şimali Kipr Türk Respublikasının rəqabət qurumlarının rəhbərlərinin çıxışı nəzərdə tutulub. İclasın sonunda Birgə Kommünikenin imzalanma mərasimi keçiriləcək.
Həmçinin oxuyun
