Yanvarın 27-də Rusiya Ukraynanın Xarkov vilayətində sərnişin qatarına dronlarla hücum edib. Bu cür mülki əhaliyə yönəlmiş hücumlar hər yerdə – Avropada, Amerikada, ərəb ölkələrində, Çində və digər regionlarda – terror aktı kimi qiymətləndirilir.
Globalinfo.az xəbər verir ki, bunu Ukrayna Prezidenti Vladimir Zelenski açıqlayıb.
Prezident bildirib ki, qatarda hərbi məqsəd güdülməyib:
“Həmin qatarda 200-dən çox insan olub. Dronlardan birinin vurduğu vaqonda 18 nəfər var idi. Üç dron tərəfindən edilən bu hücum nəticəsində dörd nəfər həlak olub. Həlak olanların ailə və yaxınlarına başsağlığı verirəm. Xilasedicilər daha dörd nəfəri axtarır, ikisi isə yaralanıb”, – deyə Zelenski qeyd edib.
O vurğulayıb ki, Rusiya öz törətdiyi əməllərə görə məsuliyyət daşımalıdır.
