Bu gün bir sıra saytlarda Müdafiə Nazirliyi Tibb Baş İdarəsinin rəis müavini, general-mayor Elxan İbrahimov və Azərbaycan Respublikası müdafiə nazirinin müavini – Maddi-Texniki Təminat Baş İdarəsinin rəisi Nizam Osmanovun işdən çıxarılması ilə bağlı məlumat yayılıb.
Globalinfo.az bildirir ki, Manset.az məsələ ilə bağlı Müdafiə nazirinin müavini, general-leytenant Nizam Osmanovla əlaqə saxlayıb. O, işdən çıxarılması ilə bağlı xəbəri təkzib edib.
***11:39
Müdafiə Nazirliyinin iki yüksək vəzifəli şəxsi vəzifəsindən azad edilib.
Globalinfo.az xəbər verir ki, bu barədə bizim.media saytı məlumat yayıb.
Sayt yazır ki, Müdafiə Nazirliyi Tibb Baş İdarəsinin rəis müavini, general-mayor Elxan İbrahimov bir müddət əvvəl vəzifəsindən uzaqlaşdırılıb. Elxan İbrahimov 2020-ci ilin iyulundan etibarən bu vəzifəni icra edirdi.
Vəzifəsindən uzaqlaşdırılan digər məmur isə Azərbaycan Respublikası müdafiə nazirinin müavini – Maddi-Texniki Təminat Baş İdarəsinin rəisi Nizam Osmanovdur. General-leytenant Nizam Osmanov 23 iyul 2021-ci ildən Maddi-Texniki Təminat Baş İdarənin rəisi vəzifəsini icra edirdi.
Məsələ ilə bağlı Müdafiə Nazirliyinə sorğu ünvanlasaq da, sorğumuz cavabsız qalıb.
Qarşı tərəfin də mövqeyini dərc etməyə hazırıq.
