Avropada hazırlanan hərbi oyunda Rusiyanın Litvaya hücum ssenarisi modelləşdirilib.
Globalinfo.az xəbər verir ki, bu barədə “The Wall Street Journal” (VSJ) məlumat yayıb.
“Oyunda Almaniya Federativ Respublikasının və NATO-nun sabiq rəsmiləri, qanunvericilər və təhlükəsizlik üzrə ekspertlər iştirak ediblər. Ssenari 2026-cı ilin oktyabrında cərəyan edir.
Oyuna görə, Rusiya Kalininqradda guya “humanitar böhran” bəhanəsi ilə Litvanın əsas nəqliyyat qovşaqlarından biri olan Mariyampole şəhərini ələ keçirir. ABŞ NATO-nun 5-ci maddəsini işə salmaqdan imtina edir, Almaniya tərəddüdə düşür, Polşa səfərbərlik elan etsə də, qoşun yeritmir. Litvada yerləşdirilmiş Almaniya briqadası isə yolların minalanması səbəbindən müdaxilə etmir.
Nəticədə ABŞ-ın liderliyi olmadan Rusiya təxminən 15 min hərbçi cəlb etməklə bir neçə gün ərzində NATO-ya olan etimadı sarsıdır və Baltik regionunda nəzarəti ələ keçirir. Oyunun iştirakçılarından biri qeyd edib ki, həlledici amil hərbi güc deyil, Moskvanın müttəfiqlərin qərarsızlığına olan inamıdır”, – VSJ-nin məlumatında qeyd edilib.
Safura Bənnayeva
Globalinfo.az
Həmçinin oxuyun
